Hai
quen senta e observa mentres outros tentan dicirnos quen son dignos e
quen non son dignas de entrar no concepto que temos de literatura e
de país. Hai quen se laia, hai quen concorda, hai quen simplemente
nin atende. E logo estamos as que collemos o foucín, arrefuzamos as
mangas e botamos o sombreiro ancho para saír de Sega.
Nese
espírito, dende A Sega convocamos o I DÍA DAS GALEGAS NAS LETRAS
que busca celebrar a figura dunha muller que contribuíse de forma
sobranceira á cultura en xeral e á literatura en particular.
Escollemos o día 15 de agosto como data central dos actos de
celebración por ser o día DA NOSA SEÑORA (das letras galegas).
Este
ano 2014, a muller a quen renderemos homenaxe é DOROTHÉ
SCHUBARTH, compiladora do Cancioneiro Popular Galego.
>> ATURUXO POR DOROTHÉ SCHUBART. Manifesto d’A Sega para a celebración do DÍA DAS GALEGAS NAS LETRAS
>> DOROTHÉ SCHUBART: DADOS BIOGRÁFICOS
>> ATURUXO POR DOROTHÉ SCHUBART. Manifesto d’A Sega para a celebración do DÍA DAS GALEGAS NAS LETRAS
>> DOROTHÉ SCHUBART: DADOS BIOGRÁFICOS
PROGRAMA DE ACTIVIDADES
Desde
A Sega
queremos que a homenaxe a Dorothé sexa unha festa, unha romaría na
que nos xuntemos, falemos, contemos e cantemos todas as persoas que
queiramos saudar a dignidade da literatura de tradición oral e o
labor silenciado de todas as cantadoras que lograron manter vivo até
hoxe o acervo musical que nos alimenta.
Por
iso convidamos á poboación xeral a vir con nós de romaría.
Xuntarémonos no Areal de Berres, na
Estrada, un espazo recuperado para a
comunidade pola veciñanza, á beira do río Ulla. A convocatoria é
aberta e participativa: toda persoa, panda, familia e grupo que traia
comida para partillar e a alegría do canto e do baile será benvida.
O
horario será o que segue:
13.30.
Presentación do acto e lectura do manifesto, por parte das
integrantes d'A Sega.
14.00.
Xantar compartido.
16.00.
Tarde de festa: intervencións de Paula
Carballeira, contadora, Mercedes
Peón, cantadora, Isabel
Rei, guitarrista, e Habelas
Hainas, pandeireteiras. Micro aberto
para todas aquelas persoas que queiran cantar, tocar ou contar. A
actividade está aínda pendente de novas incorporacións.
Para
chegar ao Areal podedes coller tanto a AP-53 e sair en Vedra ou a
N-525 Santiago-Ourense e incorporarvos na Ponte Ulla à estrada
PO-213. Podedes consultar a localización exacta e as rotas desde
Santiago e A Estrada nesta ligazón: https://goo.gl/maps/FtwXE
Comentarios
Publicar un comentario