Comeza setembro e con el temos segadora nova!
Son Mónica Cores Vázquez e nacín na aldea de Santa Cruz de Montaos, en Ordes (A Coruña), no ano 1983. No meu lugar só había dúas casas rodeadas de árbores e natureza e as miñas compañeiras chamábanme “Mónica a do monte”. Vivín a movida ordense no seu apoxeo e desfrutei das sobremesas a base de queiques.
Dende nena, o que máis fago (non significa que o mellor) é falar e reivindicar. Ás veces escribín poesía. Estudei maxisterio, licencieime en Psicopedagoxía e actualmente traballo de mestra de Pedagoxía Terapéutica no ensino público. Convivo cunha gata.
Son unha apaixonada da literatura e do galego e creei o proxecto “Libros e outros contos” onde, con outras compañeiras, facemos clubs de lectura, retos lectores, recensións, videos, etc. Feminista convencida, aquilo que non se nomea, o das marxes, é o que a min me soe interesar.
Podedes atoparme no facebook: “Libros e outros contos”, no Instagram e no twitter (X) : @libroscontos”
Comentarios
Publicar un comentario